l´Academia del cinema català-nak eman zituen atzo Gaudi Sariak edo “Katalaniar Goyak”, batzut esaten dieten bezala.  Eta harro esan dezaket Cher Ami-k eraman zuela Animazioko Filme Onenaren saria, Miquel Pujolek zuzenduta, Miquel Pujol eta Iván Roca idatzita eta Acció, Digital Dreams eta Euroview-k Televisió de Catalunya-rekin ekoiztuta . Oso ondo, Cher Ami!

Esan ere Efektu Berezi/Digital Onenak David Ambit, Alex Villagrasa eta Salvador Santanaren REC 2-rentzat izan zirela.

Honi buruzko berria irakurri.

Amaia Markuleta

Igandean eman ziren Urrezko Puxikak eta, Critics’s Choice sarietan egin zuten bezala, ‘Up’ eta ‘Avatar’-ek arrakasta lortu zuten.  Pixar-en zinta animatua bi sarietarako hautagai zen eta biak irabazi zituen, Animazioko Filme Onena eta Jatorrizko Musika Onena Michael Giacchino-rentzat.  Bestalde, ‘Avatar’ Filme Onena izan zen eta bere sortzailea, James Cameron-ek, Zuzendari Onenaren Urrezko Puxika etxeratu zuen.

Hautagai eta garaileen zerrenda osoa.

Amaia Markuleta

Ofizialki igo dute internetera Goya sarietarako aurten hautagai den ‘Tachaaan!’ laburmetraiaren bertsio osoa, Rafael Cano “Rafiki”, Carlos del Olmo eta Miguel A. Bellot-k zuzenduta, Nicolás Matji-k ekoiztuta eta Jazz de Marras-en jatorrizko musika duena.

Amaia Markuleta

Pasa den Urtarrilak 15, Estatu Batuekato zinema kritikarien elkarterik ospetsuena den BFCA-ren Critics’ Choice Movie Awards 2010 sariak ospatu ziren.

‘Up’ 2009.eko Marrazki Biziduneko Filme Onenatzat jo zuten eta baita bere musika Jatorrizko Musika Onenatzat ere, Michael Giacchino konpositoreak egindakoa.

Efectu Berezi Onenen saria ‘Avatar’-ek jaso zuen, sei sariekin gauaren irabazle haundia, beraien artean Zinematografia Onena, Arte Zuzendaritza Onena, Edizio Onena, Soinu Onena eta Akzio Filme Onena.  Hala ere, ez zuen Filme Onenaren saria eraman, ‘The Hurt Locker’-entzat izan zelarik.

Azkenik, azpimarratu ‘Los Abrazos Rotos’-ek eraman zuela Ingelesa Ez Den Hizkuntza Batean Egindako Film Onenaren saria.  Oso denboraldi hasiera ona Pedro Almodóvar-entzat!

Sarien zerrenda osoa.

Amaia Markuleta

Zinema eta Telebistako Britainiar Arte Akademia (British Academy of Film and Television Arts, BAFTA) eman zituen joan den astean otsailaren 21.ean ospatuko diren bere 2010eko sarientzako hautagaien izena.

Nominazio zerrenda osoa jaitsi (241 KB).

Animazio filme onena:

Efektu berezi onenak:

Amaia Markuleta

Gaur Eu Animation News aurkeztuko dut, nire laguna eta Planet 51-en ekoizpen departamentu kide Lorena Hueso-k egindako blog berria.  Europako animazio industriako berriak, elkarrizketak eta emaitzarik gorienak jorratzen ditu web gune honek.

Amaia Markuleta

Focus on Animation-en aurkitzen dute Marokon egindako lehendabiziko animazio luzemetraiaren trailerra: ‘The Companions of Elephant’.  25 milioi dolarreko Sigma Technologies-en ekoizpena 2012an jaurkituko da.

Filmea 571. urtetik 572.era bitartean gertatzen da Arabiako hegoaldean eta Abraha erregearen historia kontatzen du.  Abraha, Meka txikitu eta erromesaldi eta merkataritza Sana-rantz besteratzeko 60 mila gizon eta 13 elefanteko armadaren buruzagia zen. Koranen aipatutako mirarizko pasarte honek dioenez, erregeak bere soldaduei hiri santua erasotzeko agindua eman zienean, hots arraro bat entzun zen eta, zerua Mendebaldetik belztu ondoren, milaka hegazti agertu ziren leku santuak babesteko.  Hegazti hauek inbaditzaileei harri “majiko” batzuk bota zizkieten eta hola erregearen tropak garaitu zituzten.

Abdellah El Fakir-ek, filmearen zuzendaria, beste Aro bateko pertsonai sendo eta paisaiez beteriko bataila mitiko honen 3D bisortzea grinaz bizi duela aitortzen du.  Desafio haundia bere herrialdean, Marokon irudi digitalez egindako lehendabiziko filme osoa baita.

Hauek dira ekoizpenaren lehendabiziko trailerrak:

Eta hemen making of piska bat:

Amaia Markuleta

Cartoon Brew-n irakurtzen dut 88 urtedun Art Clokey hil egin dela.  Detroit, Michigan-en 1921an jaiota, buztinaz egindako irudien stop motion animazioan aurrendari izan zen.

Hego Kaliforniako Unibertsitatean (USC), gertarte denboraldian AEB-n zinemagile nabarmendua izan zen Slavko Vorkapić zuzendari, idazle eta margolariaren ikaslea izan zen.  Ikusi honen filme saioak beste post honetan bilduta. Irakaslearen izaera esperimentalak Clokey motibatu zuen 1955ean Gumbasia egiteko, laburmetrai surrealista, non buztinezko irudi ezberdin batzuk formaz aldatu eta  bihurkatzen diren jazz-eko abesti baten soinuari egokituta.

Baina Art Clokey benetan ezaguna da telebistako Gumby pertsonai bizidunarengatik, buztinez egindako humanoide berdea, USC-n saiatutako teknika esperimental berekin Premavision estudiotan animatuta, eta The Gumby Show telebista saioaren 233 kapitulu eta Gumby: The Movie luzemetraian protagonista.

Bere bigarren lan garrantzitsuena 1960ean egin zuen Davey and Goliath telesaila izan zen:

Oso interesgarriak ere 1965eko How To Stuff a Wild Bikini filmearen hasierako tituluak:

Amaia Markuleta

Art Clokey-ren heriotzari buruzko post bat idazterakoan, bere karreran oso garrantzitsua izan zen Kaliforniaren Hegoaldeko Unibertsiteko Slavko Vorkapic irakaslearekin topatzen naiz eta asko interesatzen zait.  Margolaria, aktorea, efektu berezietan aditua, zinegilea, zinemako irakaslea, zuzendaria eta muntatzailea, serbiar artista polifazetiko hau, AEB-ra heltzen da 1920an eta 20,30 eta 40. hamarkadetan zinegile oso errespetatuan bilakatuko da.

Vorkapić-ek dokumental eta filme esperimental pila egin zituen Kaliforniaren Hegoaldeko Unibertsitatean zinemako departamentuaren gain zegoenean.  1928an The Life and Death of 9413: a Hollywood Extra laburmetrai esperimentala ko-zuzendu zuen Robert Florey-rekin:

Beste lan batzun gehio:  Moods of the Sea (1941) eta Forest Murmurs (1947) John Hoffman zinemagilearekin.

Amaia Markuleta

Gaur goizean Espainiako Zinema Akademiak jakinarazi ditu 2010eko Goya Sarietarako proposamentak.  Eta poz handia hartu dut animazioko luzemetrai onenera proposatutako lau filmeetatik, bitan lan egin dudala ikustean: Planet 51 (proposatua ere abesti onenerako) eta Cher Ami.  Zorionak lankideei, baita nominatu guztiei ere! Urte profesional ona izan da hau

Proposamen guztiak ikus ditzakezue Blog de Cine-n eta bi ekoizpen hauei buruzko artikulua noticiasdenavarra.com-n.

Animazio luzemetrai onena:

Animal Channel

Cher Ami

Pérez, el ratoncito de tus sueños 2

Planet 51

Animazio laburmetrai onena:

Alma

La dama y la muerte

Margarita

Tachaan

Efecto berezi onenak:

Ágora

Celda 211

Rec 2

Spanish Movie

Amaia Markuleta

The Third & The Seventh Alex Roman alacantar artistaren laburmetraia da, non CG eta errealizazioaren arteko nahaste  ederra eta gozoa egiten duen.  Artistaren webguneak hola deskribatzen du lana: “arkitektura lente zinematografikoen bidez ikusita, hirugarren esta zazpigarren arteen arteko ikus-fusioa”.  Zirragarria benetan!

(via Carlos Baena)

Amaia Markuleta

Marvel Entertainment Inc.-ek urtea isten dut The Walt Disney Company-ren 4.3 bilioi dolarreko eskuartzea baieztatzen.  2009.eko abuztuaren bukaeran argitaratu zen berria, Marvel-en konfirmaziorik ezean.  Azkenean, abenduaren 31an eman zuen Marvel-ek azken ok-a.

1939.an sorturiko komiki argitaletxea hain gogoangarri diren X-Men, Iron Man, Amerika Kapitaina, Lau Fantastikoak, Thor edo Spider-Man bezalako pertsonaien sortzaile da. Eta bere eskuartzea Disney-k egin duen merkataritza-akordiorik haundiena da, orain dela hiru urte Pixar Animation Studios hartu zuenetik.

Amaia Markuleta

Arte eta Zientzia Zinematografikoen Akademiak Efecto Berezien saria irabazteko lasterketan jarraituko diren filmeen berri eman du:

Aurten, argia dut nire apustua: ‘Avatar‘-rek ez du lehiakiderik!

Amaia Markuleta

Buzz eta Woody datorren Ekainean ailegatuko dira gure zinematara. ‘Toy Story 3′-ren trailerra orain dela gutxi atera zen eta gaur Animated Views-en aurkitzen dut aurretiko hau:

Gainera, Upcoming Pixar, The Pixar Blog eta Pixar Talk-ek argitaratzen dituzte Dice Tsutsumi-ren color script polita hauek:

Amaia Markuleta

Toon Disney, Disney Channel, Disney XD eta ABC Family estatubatuar telebistek ‘A Cars Toon; Mater’s Tall Tales‘-en (‘Materen ipuinak‘ euskeraz) 4 kapituludun deboraldi berria emango dute. Victor Navone, Rob Gibbs eta Kori Rae-k  laguntzen dute John Lasseter Matte eta Rayo Mcqueen ‘Cars‘-en pertsonaiak  protagonista gisa dituen animazioko laburmetrai telesai hau egiten . Disney-ren telebistetan pasarte hauek ematen ditu Pixar-ek, 2011-n estreinatuko den ‘Cars 2‘ filmeari bidea urratzearren.

dff

2. Deboraldia (2009-2010):

Tokyo Matte:

“UFM – Unidentified Flying Mater“

“Monster Truck Mater” (oraindik ez da adierazi estreinu data)

“Heavy Metal Mater” (oraindik ez da adierazi estreinu data)

dff

1. Deboraldia (2008):

‘Rescue Squad Mater’

‘Mater The Greater’

‘El Materdor’

(Focus on Animation bidez)

Amaia Markuleta

Posted in 3D Animazioa Tagged: Cars, Disney, John Lasseter, Kori Rae, Laburmetraia, Lighting McQueen, Mater, Pixar, Rob Gibbs, Victor Navone, Zinema ]]>